Тәуелсіздіктің 28 жылы ішінде біздің еліміз мемлекеттіліктің қалыптасуының қиын, бірақ даңқты жолын өтті. Қазақстан Республикасының Тұңғыш Президенті Нұрсұлтан Әбішұлы Назарбаев ұлт бірлігін нығайтуды, Конституцияны, адам құқықтары мен бостандықтарын қорғауды қамтамасыз етті.
2019 жылдың  29 қараша күні аудандық Мәдениет үйінде Қазақстан Мемлекетінің Тұңғыш Президенті күніне арналған мерекелік іс-шара өтті. Осы атаулы күні барлық жиналған халықты аудандық мәслихат хатшысы - А. Мырзабаев құттықтап сөз сөйледі.  Салтанатты шарада Денисов ауданы әкімінің грамотасымен үздік қызметкерлер марапатталып,  «Нұр Отан» партиясының мүшелеріне партиялық билеттер табыс етілді.
Мереке «Рухани  жанғыру» бағдарламасын жүзеге асыру шеңберінде және Елбасының «Ұлы даланың жеті қыры» мақаласының аясында  «Бай дәстүрлердің жалғастырушылары» атты жобаның аудандық қортынды фестивалі болып жалғасты. Фестивальдің басты мақсаты жаңа дарынды орындаушыларды табу және қолдау болып табылды.
Қортынды фестивальде 2019 жылдың «Бай дәстүрлердің жалғастырушылары» атты жобаның: балалар вокалдық «Әнші балапан», «Қалықтай бер, халық әні» халық әндері, Қазақстанның халық әртісі Шәмші Қалдаяқовқа арналған «Алыс та, жақын ән» атты аймақтық ән сайысы, «Отбасы - бақыт мекені»  өңірлік отбасылық ұжымының фестивалі, «Домбыра дастан»  аймақтық домбырашылар фестивалі, «Жан дүниесінің күміс пернесі» өңірлік фестивалі, «Мен де сендеймін»  қабылеті шектеулі адамдары арасындағы фестивальдерінен жүлделі орындарға ие болған қатысушылар қатысты.   Қатысушылар грамотамен және ақшалай сыйлықтармен марапатталды.
Іс шараға жиналған қауым «Елбасы Жолы» киноэпопеясының «Астана» атты бесінші фильмін тамашалады. Ақан Сатаевтың фильмі астананың идеяның пайда болуынан бастап оның түпкілікті жүзеге асуына және бүгінгі жетістігіне дейінгі қалыптасу тарихын баяндайды. Бұл «Қазақфильм» киностудиясының ірі жобаларының бірі. Фильм кең аудиторияға арналған. Ол аға буын өкілдеріне де, жастарға да бірдей қызықты. Оның кейіпкерлері Н. Назарбаев маңызды рөл атқарған ел үшін маңызды оқиғалардың тірі куәгерлері мен қатысушылары.