Ағымдағы жылдың 22 қараша күні аудандық Мәдениет үйінде Ұлы Отан соғысы Жеңісінің 75 жылдығына және Қазақстан халқы Ассамблеясының 25 жылдығына арналған «Өнеріміз саған, Қазақстан!» атты облыстық көркемөнерпаздардың халық шығармашылығы байқау - фестивалі қарсаңында Қамысты, Жітіқара, Б.Майлин, Денисов аудандарының және Лисаков қаласының өнерпаздарына арналған үш бағыт, яғни қазақ ұлт аспаптар ансамбльдері, дәстүрлі ән және вокал бойынша шеберлік сағаты өтті.  Қалқаев Дамир бастаған Молдағалиев Талғат, Байназаров Батырбек, Кугай Наталья  секілді Қостанай облысының   өнер майталмандары келіп шеберлік сабағын ойдағыдай өткізді. Батырбек,Талғат ағаларымыздың халық аспаптары бойынша және дәстүрлі ән бойынша айтылған кеңестерін аудан ауыл төңіректерінен келген өнерпаздар  бойларына  сіңіруге тырысып бақты. Қойылған сұрақтарғада ұстаздар тарапынан тұшымды жауап ала алдық. Кугай Наталья Вячеславовна өткізген вокалдық сабаққа аудандар мен ауылдардан келген мәдени ұйымдастырушылар мен шығармашыл өнерпаз әншілер көптеп қатысып, дайындық әндер айтылып өздеріне көптеген пайдалы кеңестер алды.