---

19 қараша күні № 1 Денисов орта мектебінде аудандық Мәдениет үйінің қызметкерлері «Рухани жаңғыру» бағдарламасының «Рухани қазына» кіші бағдарламасын жүзеге асыру аясында ақын, жазушы, драматург Бейімбет Майлиннің туғанына 125 жыл толуына орай «Майлин – туған өлкенің жақұты» атты танымдық бағдарлама өткізді. Іс-шараның негізгі мақсаты - өскелең ұрпақтың ұлттық сана-сезімдерін қалыптастыру, ұлттық мәдениет құндылықтарын, салт-дәстүр мен тарих құндылықтарын дәріптеу, қазақ халқының мәдени мұрасын сақтау және дамыту болып табылды. Іс — шара барысында жүргізуші «Бейімбет Майлин - проза, поэзия және драматургия сияқты жанрлардың өркендеуіне үлкен үлес қосқан, қазақ әдебиетінің тууы мен қалыптасуына көп еңбек сіңірген жазушысы. Майлин өз шығармаларында туған ауылы, туған халқы мен жерін шын жүректен және жан-тәнімен жырлады» деп атап айтты.  Өмірмен және шығармашылық қызметімен тереңірек танысу үшін тақырыптық бейнеролик көрсетілді.