Мәдени мұраны сақтау, халық дәстүрлерін жаңғырту - Елбасының «Болашаққа бағдар: рухани жаңғыру» бағдарламалық мақаласының басты басымдықтары болып табылады. Осыған орай 2019 жылдың 22 қазан күні Денисов аудандық Мәдениет үйінде «Супер – күйеу бала» атты байқауы отбасы құндылықтары мен дәстүрлерін насихаттау аясында өткізілді. Оның қатысушылары:
Дабылов Арман – Баталы орта мектебінің география пәнінің мұғалімі,
Илимжанов Тайжан - аудандық Мәдениет үйінің музыкалық жетекшісі,
Сысолятин Сергей – «Приреченское» ЖШС механизаторы,
Нұржігітов Рысбек – №3 Денисов орта мектебінің ағылшын тілі пәнінің мұғалімі,
Валиханов Азамат - №2 Денисов орта мектебінің аға жетекшісі.
Күйеу балалар өзін өзі таныстырудан бастау алып «Күйеу баланың қолынан барлығыда келеді», «Ең мықты күйеу бала», «Менің шығармашылығым» атты кезеңдерде сайысты. Барлық сайыскерлер белсенділік, тапқырлық, шығармашылық көзқарас танытып, көрермендердің ықыласына бөленді де әр қатысушыны лайықты бағалаған қазылар алқасы оларды әдемі номинацияларға лайық деп таныды. Бірақ қазылар алқасының шешімі бойынша, «Супер күйеу бала - 2019» атағын - Валиханов Азамат жеңіп алды. Оған жеңімпаз статуэткасы табыс етіліп көрермендердің қошеметіне бөленді. Барлық қатысушылар грамоталармен және ақашалай сыйлықтармен марапатталды.
