2019 жылдың 27 қазанында әлеуметтік қорғау жүйесіне 100 жыл толып отыр. Мерекелік күнге орай аудандық Мәдениет үйінде адам еңбегі халықты қорғауға және мұқтаждарға қамқорлық жасауға бағытталған қызметкерлердің қатысуымен салтанатты жиын өтті.
Іс-шараны Денисов ауданы әкімдігінің мәдениет және тілдерді дамыту бөлімінің басшысы Н. С. Хасанова ашып, Денисов ауданындағы әлеуметтік қызметтің құрылу тарихы, оның алғашқы басшылары, аймақтағы әлеуметтік қорғау жүйесінің қызметі туралы әңгімелеп өтті.
Барлық қатысушыларға Денисов ауданы әкімінің орынбасары - Н. К. Кәкімжан құттықтау сөзін арнады. Оның қатысуымен үздік қызметкерлерге құрмет көрсетіліп, оларға грамоталар мен гүлдер табыс етілді. Бұл күні Әлеуметтік сала ардагерлеріне құрмет көрсетілді. Жұмыспен қамту және әлеуметтік бағдарламалар бөлімінің басшысы Б. Ж. Рахметов өз әріптестерін кәсіби мерекелерімен құттықтады. Ары қарай аудандық Мәдениет үйі мен Приречен ауылдық мәдениет үйінің өнерпаздарының қатысуымен концерттік бағдарлама жалғасты.