---

2013 жылдан бастап Қазақстанда дәстүрлі түрде 21 мамыр күні Мәдениет және өнер қызметкерлерінің күні атап өтіледі. Бастапқыда бұл мереке 1998 жылы орнатылды және қыркүйектің соңғы жексенбісінде атап өтілді. 23 мамыр күні Денисов аудандық Мәдениет үйінде Мәдениет және өнер қызметкерлерінің күніне арналған «Мәдениет – жан дүниесі» атты іс-шара, сондай-ақ «Ұлы даланың 7 қыры» атты мақаласында «Дала фольклоры мен музыкасына мың жыл» атты жобасының аясында өтті. Салтанатты шараға Мәдениет саласының барлық өкілдері: кітапханашылар, мұражай қызметкерлері, ауылдық мәдениет үйлері қатысты. Аудандық мәслихаттың хатшысы - Мырзабаев Алпамыс Елтайұлы мәдениет қызметкерлерін кәсіби мерекесімен құттықтап, «Ауданның шығармашылық интеллигенциясы Елбасы айтқан мәдениет саласының басты міндетін шешуге лайықты үлес қосады», деп атап өтті. Содан кейін сахнаға Денисов ауданы әкімдігінің Мәдениет және тілдерді дамыту бөлімінің басшысы Хасанова Нағима Спанқызы құттықтау сөздерімен шығып, үздік мәдениет қызметкерлерін марапаттап өтті. Салтанатты іс-шараны осы мереке күні аудандық мәдениет қызметкерлерінің «Мәдениет – жан күйі» атты байқауы сәндеді. Байқау қатысушылардың арасында барлық мәдениет қызметкерлерінен Денисов орталық кітапхана жүйесінің басшысы Любовь Николаевна Некрасова нағыз тосын сый жасап, барлық кезеңдер бойынша оригиналды нөмірлер жасап, залға қатысқан әріптестерінің қошеметіне лайықты болып, қазылар алқасының шешімі бойынша байқау жеңімпазы болып жарияланды.