---

Біздің елімізде және Денисов ауданымызда  бұл мереке 1992 жылы 4-маусым күні Қазақстан Республикасының мемлекеттік рәміздері туралы Заң қабылдағалы бері аталып келеді. Мерекелік бағдарламада мемлекеттік рәміздерге құрмет белгісі ретінде Қазақстан Республикасының Әнұраны шырқалды. Аудандық маслихаттың хатшысы Мырзабаев Алпамыс денисовтіктерді айтулы мерекемен құттықтап, ыстық лебізін білдірді. 
Ұлы мұралардың бірі қазақтың дәстүрлі өнері. Оны игеру, халықтың қажетіне жарату бәріміздің ортақ міндетіміз. Мереке Қазақстан Республикасының Тұңғыш Президенті Нұрсұлтан Әбішұлы Назарбаевтың «Рухани жаңғыру» және «Ұлы даланың жеті қыры» бағдарламалары аясында «Бабамнан қалған көне саз» атты аймақтық  қазақ ұлттық фольклор фестиваліне ұласты. Жиналған қауымға көршілес қонақтарымыз Қамысты ауданынан Қашқымбаев Досбол, Губайдуллина Әсемгүл, Лисаковск қаласынан Ерғалиев Қайырбек, Жітіқара ауданынан Елшібаев Алмат,  Таран ауданынан Сарсенова Айгерим өз тілінде ұлттық аспаптарын дәріптеп, шеберлік сыныптарын көрсетіп,  халықтың ұлттық рухын оятты.
Ауданымыздың өнерлі азаматтары -  Алғожин Талғат, Шаймерденова Қадиша, Ғазезов Бекзат, Ишматова Қанжаркүл, Шералина Ботагоз, Валиханов Азамат және Төлендин Жантөре фестивальде ұлттық аспаптарды ұлықтап, дәстүрлі ән өнерін өрге сүйреп, аспапта күй орындауды жоғары деңгейге көрсетті. Фестиваль соңы қатысушылардың марапатымен аяқталды.