15 маусым күні Әулиекөл аудандық мәдениет үйінде, аудандық кітапханамен бірлесіп, жазушы, драматург, көсемсөзші-журналист, филология ғылымдарының кандидаты, Ахмет Байтұрсынов атындағы ҚАУ профессоры, ҚР мәдениет қайраткері, Қазақстанның құрметті журналисі – Ақылбек Шаяхметпен «Ақын деген ұлт бар»    атты          шығармашылық кездесу кешін ұйымдастырды.
Ақылбек Шаяхмет - Қостанай облысының Жітіқара ауданында туған. Жітіқара қаласында қазақ мектебін бітіргеннен кейін «Шевченко» кеңшарында шопан болып жұмыс істеді. 1968 жылы оны Әулиекөл аудандық газетіне қызметке шақырады. Одан кейін Алматы облыстық «Жетісу», Қостанай облыстық «Қостанай таңы» газеттерінде, облыстық телекомпанияда жұмыс істеді.
         Арнайы шара ақынның  70 жыл мерейтойы қарсанында ұйымдастырылды. Кешке аудан әкімі Теменов Ерлан Олжасбайұлы, философия ғылымдарының докторы Жақын Қалқаман Хасенұлы, Қазақстан журналистикасының еңбек сіңірген қайраткері, Қазақстан Журналистер Одағы сыйлығының лауреаты, Қостанай облыстық «Қостанай таңы» газетінің бас редакторы Жанұзақ Аязбекұлы Аязбеков, Әулиекөл ауданының құрметті азаматы Зейнолла Абайұлы, інісі кәсіпкер Төленді Файзуллин, аудандық газеті және замандастары қатысты. Аталмыш іс-шара барысы аудан әкімінің құттықтау сөзімен басталды. Шағармашылық кеште, ақын жайлы видео көрсетіліп келген қонақтар өз тілектерін айтып, «Қостанай». әнінің бейне клипы көрсетілді.
Шараның басты мақсаты – Ақылбек Шаяхметтің өмірі мен шығармашылығымен таныстырып, жас ұрпақтың поэзияға, жерлес ақындарымызға деген сүйіспеншіліктерін арттыру. 
Тағылымдық басқосу барысында оқушылар және жұмыскерлер Ақылбек Қожаұлының өмірі мен шығармашылығы, марапаттары мен қызметі жайында сөз қозғап, ақынның жауһар жырларын мәнерлеп оқыды. Атап айтқанда: «Шоқан Уәлихановақа» орындаған Алтай Айша, «Мектебім» Полина Ольховская, «Хаттар» Алина Сартай, «Балалар үйінде» Дильназ Исмаилова, «Оның атын кім дейміз?» Айбике Тәжікова, «Сөздер» Іңкәр Ысқақова, «Қазақтың қара шалы» Динара Әмірова ақынның өлеңдерін тебіренте оқыды. Кеш барысында Ақылбек Қожаұлына көкейде жүрген сұрақтар қойылып, сауалдарына нақты жауап алды. Артынша А. Шаяхмет көрермендерге сиясы әлі қанбаған өлеңдерін оқып, құнды рухани тәрбие нәрімен сусындатты. Кеш соңы Ақылбек Қожаұлының сөзіне жазылған  Асхат Шыңғысовтың орындауындағы          «Әдемі»     өлеңімен    аяқталды.