« Әулиекөл - өнерпаздар мекені !»мерекелік концерт.Әулиекөл ауданында мәдени-бұқаралық іс-шараларды ұйымдастыруға көмектескендерге жыл сайын алғыс айту игі дәстүрге айналды. 28 қаңтарда аудандық мәдениет үйінде «Әулиекөл – өнерпаздар мекені!» атты жыл сайынғы мерекелік концерт өтті. Іс-шараға аудан әкімшілігі, ұйымдар мен бөлімдердің басшылары шақырылды. Концерттің ресми бөлімінде «Әулиекөл ауданы әкімдігінің мәдениет және тілдерді дамыту бөлімі» ММ басшысы Токаева Ж. К. барлық қатысушыларды мерекемен құттықтап, алғыс білдіріп, жыл бойы мерекелерге ат салысқан ұжымдардың басшыларына: Әулиекөл өнер мектебінің директоры – Қалиева А. К.,С. Баймағамбетов атындағы мектеп-гимназиясының директоры – МаксютоваС. К.,И. Сьянов атындағы мектеп директоры – ВолковЮ. В., Ауыл шаруашылық колледжінің директоры - Жансүгіров А. Б.,Ш. Уәлиханов атындағы мектеп директоры-Жайлыбаев Т. Б.,Ш. Уәлиханов атындағы бастауыш мектеп директоры- Уаисова Б. А., Орталық кітапхана жүйесінің директоры Серкебаева С. Ж., аудандық «Әулиекөл» газетінің бас редакторы Сабиров Ч. Б. алғыс хаттар мен естелік сыйлықтарын табыс етті.
Сонымен қатар Әулиекөл ауданының ауылдық округтері арасында өткен «Өнеріміз саған, Қазақстан!» атты көркемөнерпаздар байқауының нәтижелері жарияланды, жүлделі үшінші орынды Диев ауылдық округі, екінші орынды Москалев ауылдық округі және бірінші орынды Новонежин ауылдық округі иеленді.Ауылдық округ әкімдері мен мәдени ұйымдастырушыларға алғыс хаттар мен естелік сыйлықтар табыс етілді. Іс-шараның ресми бөлімі концерттік бағдарламамен жалғасты.
