«Тың - Целина 2019» спартакиадасы
26 шілдеде Первомайауылында «Тың - Целина 2019» ХХІІІ аудандық спартакиадасының салтанатты ашылу рәсімі өтті.Спартакиаданың ашылуы «МЕРЕКЕ-ТОЙ» қазақтың  ұлттық  нақышында басталды, оған аудандық  мәдениет  үйінің   «Эдельвейс» би тобы және аудандағы барлық мектеп оқушылары қатысты. Сонымен қатар ауылдық округ әкімдері басқарғанспортшыларының  топтары  қатысты.
Әулиекөл ауданының әкім орынбасары   Мейрамхан Бейсенов халықты «Тың - Целина 2019» спартакиадасының  ашылуымен құттықтап лебізін білдірді. «Тың - Целина 2019» спартакиада алауын жағу құрметі Қостанай облысының армрестлинг қол күресінен бірнеше дүркін чемпионы Алдамов Муслимге бұйырды. Спартакиаданың ашылуы рәсімінен кейін аудандық мәдениет үйінің  және ауылдық мәдениет үйлерінің әртістері кешімізді қыздыра түсіп, «Ұмытылған әуендер» музыкалық фестивалімен аяқтады. Барлық спорттық жарыстар аяқталғаннан кейін жеңімпаздар салтанатты түрде марапатталды. Первомай ауылы спортшылары бірінші орынды қанжығыларына байласа,  екінші орынды  - Құсмұрын ауылы спортшылары иленді. Аманқарағай ауылы спортшыларыүшінші орынға табан тіреді. Мерекелік кешіміз би кешімен және отшашулармен аяқталды.