Әулиекөл ауданында16 мамыр  күні   «Рухани жаңғыру» бағдарламасының «Рухани қазына» кіші бағдарламасы аясында  «Кел, билейік» қазақ  биінің  хореографиялық байқауы  өтті.  Жобаны  ұйымдастырушалар  «Әулиекөл  ауданы  әкімдігінің  мәдениет және тілдерді дамыту бөлімі» ММ   және   Әулиекөл ауданының әкімінің  «Аудандық мәдениет үйі» МКҚК.«Кел, билейік» қазақ  биінің  хореографиялық байқауының   мақсаты - ұлттық биiмiздiң бай мағынасы, әсерлi де тартымды көрiнiстерiн  жандандыру және  жалпы бiздiң елдiң би өнерiнiң мүмкiндiгi мен өрiсiнің  өте зор әрi биiк екенін алға тарта отырып, оның   жоғары дәрежеде өркен жаюына ат салысу,  оны көрермен  халыққа  жеткізу. 

Іс-шараға   Әулиекөл  ауданының ауылдық мекендерінен 5  ұжым қатысты. Қазақ  ұлттық биін орындап, өнер көрсеткен  Москалев ауылы «Адиэльта» би ұжымы - 1 орын, жетекшісі Оксана  Мисюра, Қ.Тұрғынбаев  ауылы «Әдемай» би ұжымы - 2 орын, жетекшісі Айнаш Шинкентаева, Құсмұрын кенті  «Асар» би ұжымы -3 орын, жетекшісі Ыбышева Эльмира.Сонымен  қатар    Лесной ауылынан жетекшісі  Әсел Сыздықова «Айналайын» би ұжымы  мен Бағаналы ауылының  жетекшісі Ирина Абрамова   «Искорка» би ұжымдары  іс-шараға  белсенді  қатысып, алғыс хаттармен марапатталды.

Байқау бағдарламасында қазақ   биінің  әр түрлі стильдер мен бағыттар бойынша би нұсқалары  ұсынылды. Би  өнерінің  құдыретін сезініп, киелі сахнаны қыздырған  би ұжымдары бірінен  бірі асып түсіп, көрермендерді өз шеберліктерімен, өнерлерімен таң  қалдырды.

«Әулиекөл  ауданы  әкімдігінің  мәдениет және тілдерді дамыту бөлімі» ММ басшысы Тоқаева Жібек Кәкімжанқызы  жобаға қатысқан  би ұжымдарына өз алғысын білдірді. Өз сөзінде: «Туған халқының өнерін құрметтеуге, халық    арасында  қазақ  ұлттық  биінің  құндылығын арттыру, музыкалық  және   рухани  сананы сақтау және дамыту біздің басты мақсаттарымыздың бірі» деп айтты.