22 наурыз күні Әулиекөл орталығы мерекелік көңіл-күйге бөленіп, Наурыз мейрамы ерекше сән-салтанатпен тойланды. Ұлы мейрамның ашылу салтанатында аудан әкімі Жансұлтан Қоңыртайұлы барша тұрғындарды жылы лебізімен құттықтады.   Наурыз – көктемнің келуі, табиғаттың жаңаруы, бірліктің және татулықтың мерекесі. Осы қуанышты күні аудан тұрғындары ұлттық ойындарға қатысып, өнерпаздардың әні мен күйін тамашалап, қолөнер көрмелерін аралап, дәстүрлі Наурыз көжеден дәм татты.   Концерттік бағдарламалар, билер мен орындаулар көрермендерге шаттық сыйлап, ұлттық ойындар мен жарыстар түрлі ұрпақ өкілдерін ортақ мерекелік көңілге біріктірді. Барлығы бір-біріне ізгі тілектер айтып, көктемнің ерекше сәтін қарсы алды.   Ұлыстың ұлы күні құтты болсын!