3 ақпан күні Сұлтан Баймағанбетов атындағы мектеп-гимназиясында Әулиекөл аудандық Мәдениет үйінің «Шабыт» театры бастауыш сынып оқушыларға арнап Шоқан Уәлихановтың өмірі мен еңбегіне негізделген «Аққан жұлдыз» атты тағылымды қойылым ұсынды.
Қойылым барысында оқушылар ұлы ғалымның білімге деген құштарлығын, елге деген сүйіспеншілігін және табандылығын терең сезінді. Сахнадағы әрбір көрініс жас көрерменнің ой-өрісін кеңейтіп, тарихқа деген қызығушылығын арттырды.  Бұл мәдени шара оқушыларға рухани тәрбие беріп, ұлттық құндылықтарды қадірлеуге шақырған әсерлі кездесу болды.