Әз Наурыз мейрамына арналған «Наурыз мейрамын бірге тойлайық» атты мерекелік концерті
22.03.2025
426
0
Ақпаратты достарыңызбен сілтеме арқылы бөлісіңіз:
22 наурыз күні аудан орталығында Наурыз мейрамы ерекше күйде, сән-салтанатпен тойланды! Қалыптасқан дәстүр бойынша мереке аудан әкімі Жансұлтан Қоңыртайұлының құттықтау сөзімен ашылды. Бұл мереке көктемнің басталуын, табиғаттың жаңаруын, сондай-ақ ұлттық дәстүрлеріміз бен бірлігімізді дәріптеуге арналған ұлы мейрам. Мерекелік шаралар аясында ұлттық ойындар, концерттік бағдарламалар, қолөнер көрмелері және дәстүрлі Наурыз көже таратылды. Барлық қатысушыларға көктемнің ең сүйікті тағамы – Наурыз көже ұсынылып, жиналған халыққа құттықтау сөздер айтылды. Сонымен қатар, ұлттық би-шашулар, әндер мен күй орындаулары аудан өнерпаздарының қатысуымен көрермендерге үлкен көңіл-күй сыйлады. Ал, ұлттық ойындар мен жарыстар, әрине, ерекше қызығушылық туғызып, түрлі ұрпақ өкілдерін ортақ қуанышқа біріктірді. Барлығы бір-біріне ізгі тілектер айтып, көктемнің керемет сәтін бірге қарсы алды.