Аналар күні – әлемнің көптеген елдерінде ананы құрметтеу, аналарға сүйіспеншілігі мен қамқорлығы үшін алғыс айту үшін атап өтілетін маңызды мереке. Биыл бұл мереке Қазақстанда алғаш рет 12 мамыр күні аталып өтілді. Осыған орай 14 мамыр күні, Әулиекөл аудандық мәдениет үйінің концерт залында, Аналар күніне арналған «Ана қадірі» атты мерекелік концерттік бағдарлама болып өтті.
Аналар күнін мерекелеу аналардың мәртебесін нығайтуға, ана болудың маңыздылығын және қазіргі қоғамдағы аналардың рөлін арттыруға, қазақ халқының тарихындағы аналардың рөлін танымал етуге ықпал етеді.