Әулиекөл – Қостанай облысының орталығында орналасқан аудан орталығы. Солтүстігінде Қостанай, солтүстік шығысында Алтынсарин, шығысында Қарасу, оңтүстігінде Наурызым, батысында Қамысты және Бейімбет Майлин аудандарымен шектеседі. Орталығы — Әулиекөл ауылы. Аудан 1928 жылы «Семиозёр ауданы» болып құрылған, 1997 жылдан Әулиекөл ауданы аталады. Аудан орталығы Әулиекөл жеті көл ортасында жатыр, сондыктан алғашкы қоныс аударушылар бұл селоны Семиозерный деп атаған.
Әулиекөл терең тарихымен, еңбегі ерен жандарымен мақтанады. Бүгінгі күні ауданның әлеуеті қарымды дамып келеді. Тамыры терең, тарихы кенен ауданымыз биыл өзінің 96 жылдық айтулы мерейтойын атап өтуде.
26 қаңтар күні, Әулиекөл аудандық мәдениет үйінің концерт залында, аудан күніне арналған «Жайнай бер, Әулиекөл» атты мерекелік концерттік бағдарлама болып өтті. Аталмыш іс – шара барысы Батырбек Жүнісов атындағы «Жетікөл» халық ұлт аспаптар оркестрінің орындауындағы «Оппа» шығармасымен ашылды. Одан әрі аудан әкімі барша жұртшылықты аудан күнімен құттықтап ізгі тілегін білдірді. Мерекелік кешке еңбек ардагерлері, зиялы қауым өкілдері, қоғамдық ұйымдар мен жастар қатысты.
Көтеріңкі көңіл-күй. Бұл – Әулиекөл ауданының күніне арналған мерекелік шараның көрінісі. Алдымен ауданның әлеуметтік-экономикалық дамуына үлес қосқан азаматтар алғыс хаттармен марапатталды. Концерттік бағдарлама бөлімінде, мерекеге Қостанай ауданынан арнайы келген  әртістер ән шырқап, аудандық мәдениет үйінің көркемөнепаздары да әсем әндерін шырқап, бишілер би биледі.