24 шілде күні Көктал ауылында «Тың Целина – 2023» аудандық спартакиадасының салтанатты ашылу іс-шарасы өтті. Спартакиаданың ашылуы жылдағы дәстүр бойынша балалалар дайындаған флш-мобтан басталды. Одан  кейін аудандық мәдениет үйінің көркемөнерпаздары – Қасымов Ерлан, Какимов Арман, Қажиева Әсем Бірмағамбетов Арыстанбек және Акимов Ернар «Отаным, Қазақ елі» музыкалық композициясын орындады.
Жүргізушілердің сәлемдесуінен кейін ауылдық округ әкімдері басқарған қатысушы командаларды таныстыру рәсімі өтті. Жарысқа қатысушыларды Әулиекөл ауданы әкімінің міндетін атқарушы Тілеубаев Д.С барлықтарына сәттілік тілеп құттықтау сөз сөйледі. Спартакиада алауын жағу құрметі - дзюдодан спорт шебері, республикалық жарыстардың бірнеше дүркін жүлдегері, Семей қаласында 2023 жылғы Қазақстан Республикасының 63 келі салмақтағы чемпионы, Алматы қаласында 2023 жылғы Азия Кубогының жеңімпазы, Малага-Испания қаласында 2023 жылғы Еуропа Кубогының күміс жүлдегері Ерғалиева Самалайға бұйырды.
Спартакиада ашылу салтанаты аудандық мәдениет үйінің шығармашылық тобы шырқаған «Чемпиондар» әнімен аяқталды.
Барлық спорттық жарыстар аяқталғаннан кейін жеңімпаздарды салтанатты марапаттау шарасы өтті, онда Әулиекөл ауылының спортшылары бірінші жалпы командалық орынды жеңіп алды. Мерекелік бағдарлама біткеннен кейін есте қаларлық  отшашу атылды.