6 шілде — біздің еліміздегі елеулі күндердің бiрi. Бұл — әсем Астананың туған күні. Биыл ел Астанасының босағасы бекігеніне 25 жыл толып отыр. Аталмыш мереке күні аудан орталығында мерекелік кеш өтті.
Аудан өнер ұжымы мерекелік бағдарламаны ән мен жырға бөлеп, жиналған жұртшылыққа керемет көңіл - күй сыйлады. Тұрғындар елорда күнін атап өту үшін және ұйымдастырушылар әзірлеген концертті көру үшін жиналды.
Бағдарлама барысында: «Эдельвейс» би ұжымы, Гартель Оксана, Жамахина Багиткуль, Акимов Ернар, Кусаинов Ербол, Қажиева Әсем, Жумжумин Бауржан, Туребаева Мольдер аудандық мәдениет үйінің әртістері ән шырқап бишілер би өнерін көрсетті.
Концерттік бағдарлама, «Х-фактор» жобасының жеңімпаздары, Әулиекөлдік жігіттер Ағайынды Жазықпаевтар, Бекболат пен Айдар «Bro» дуэтінің  шығармашылық кешімен жалғасын тапты.