«Ұлттық Рухани жаңғыру» бағдарламасы аясында Әулиекөл аудандық мәдениет үйі Диевка ауылының мәдениет үйімен бірлесіп «Қымыз Fest» ұлттық сусын фестивалін өткізді. Жыл сайын дәстүрлі түрде өткізілетін бұл іс - шараның мақсаты-ежелгі дәстүрлерімізді жаңғырту. Ұлттық дәстүрлерді насихаттау және салауатты өмір салтын насихаттау.
Фестиваль «Мен қазақпын» музыкалық композициясымен «Айналайын» би ұжымы ашты. Музыка аясында ұлттық киімдегі қыздар қонақтарға шашу мен қымыз сусынын ұсынды. Сахна кереге түрінде безендіріліп, үстел үстіне дастархан жайылып, келген қонақтар тағамдардлан дәм тартты. Фестивальге шамамен 30 литр қымыз әкелінді. Бұл ежелгі сусынды қатысушылар өздерінің ауылдық жерлерінен әкелді. Әкелінген қымыздардың дәмі ерешше болды. Аталмыш іс-шара барысында, диев ауылының әкімі Досмурзин Мирамхан Сапабекұлы құттықтау сөз сөйлеп сайысқа қатысушыларға сәттілік тіледі..
Қазылар алқасы құрамында: Досмурзин Мирамхан Сапабекұлы – диев ауылының әкімі, Мұхамедиева Гүлнар Хамитқызы - диев жалпы білім беретін мектебінің директоры, Бекмұхамбетов Мақсат Сағитжанұлы - «Диев Агрофирмасы» ЖШС, Әулиекөл аудандық мәслихатының депутаты, сондай-ақ фестивальге құрметті қонақтарда төрден орын алды, олар: Омаров Хасен Ғилімханұлы, Қарабасов Сералы Орақұлы, Борамбаев Сәкен Сәметұлы, Мұқанова Зибагуль Сұлтанқызы, Цынклер Любовь Валентиновна, Шүкенова Халима Қонысбайқызы, Сүлейманов Теміржан Теңізұлы, Ахмеилова Рабига Гилимхановна.
Көрермендер сусынның дайындалу әдістері жайлы, қымыз түрлері, әрқайсысының қасиеттері туралы пайдалы ақпарат алды. Қатысушылар әдемі қазақ костюмдерін киіп, өздерінің таныстыруларын көрсетіп, шығармашылық нөмір дайындап, қонақтарға өздерінің әкелген қымыздарын ұсынды. Қазылар алқасы өз әділ бағаларын шығарғанша аудандық мәдениет үйінің көркемөнерпаздары концерттік номерларын ұсынды.
Фестиваль қорытындысы бойынша 1 орын диев ауылдық мәдениет үйі - Шинкинтаева Айнаш, 2 орын әулиекөл аудандық мәдениет үйінің музыкалық жетекшісі - Қажиева Әсем Аманқосқызы, 3 орын әулиекөл аудандық мәдениет үйінің музыкалық жетекшісі - Мақсұтова Айдана Меңдібекқызы. Барлық қатысушылар мадақтамалармен және естелік сыйлықтар мен марапатталды.