4 мамыр күні сағат 15.00-де Әулиекөл аудандық мәдениет үйінде, XXXVI облыстық «Өнеріміз саған, Қазақстан!» атты байқау-фестивалі болып өтті.
Облыстық байқаудың қонақтары мен қазылар алқасының мүшелерін аудандық мәдениет үйінің әжелер ансамблі шашу шашып, қазақы салт-дәстүрмен қарсы алды. Ғимарат сыртына қойылған киіз үй керегесінің алдыңда «әжелер» вокалдық тобы «Той бастар» әнің шырқап келген қадірлі қонақтармен аудан жұртшылығын күтіп алды.
Мәдениет үйінің фойесінде қонақтарға аудан қолөнершілерінің этно - көрмесі, сондай-ақ білім беру, мәдениет ұйымдары, өнер мектептері ұсынған жергілікті суретшілердің көрмесі ұсынылды. Этно-көрмеден кейін қазылар алқасы мен фестиваль қонақтары «Өнеріміз саған, Қазақстан!» атты көркемөнерпаздардың шығармашылық фестивалін тамашалау үшін концерттік залға жайғасты.
Әулиекөл ауданы жыл сайын аталмыш байқау-фестивальге дайындалып, сахнада қызықты және есте қаларлық керемет көңіл-күй сыйлауға тырысады.
Байқауға қатысушылар өздерінің музыкалық композицияларында қазақстандық патриотизмді, азаматтық пен бейбітшілікті, ұлттық келісімді білдірді. Олар өздерінің өнерлерін, туған халқына, туған жеріне, барлық жанрлық сан алуан түрлілігіне деген сүйіспеншілігін көрсетті.
Байқау-фестивальге: «Эдельвейс» және «Непоседы», «Айналайын» хореографиялық би ұжымы, «Услада», «Қыздар-ай», «Ерлер» вокалдық топтары, Шыңғысовтар отбасылық дуэті, «Не пара» дуэті, «Қазына» этно-фольклорлық ансамблі, «Ернат» тобы, Нұржан Қуандықов, Ерлан Қасымов, «Транзит», «Озорные лошкари» балалар аспаптық ансамблі, «Жетікөл» қазақ халық ұлт аспаптар оркестрі, фестивальді аудандық хор ұжымымен, «Жетікөл» қазақ халық ұлт аспаптар оркестрі бірлесіп «Өз Елім» композициясымен аяқтады.
Қазылар алқасы жыл сайынғы дәстүрлі көркемөнерпаздар байқауларына қатысатын ұжымдардың шығармашылық қабілеттерінің деңгейі айтарлықтай өсіп келе жатқанын атап өтті. Әртістік және сахналық мәдениет, сахналық бейнелер мен костюмдердің сәйкестігі, түсі мен алуан түрлілігін бағалап, шешім шығарды. Сондай-ақ, шығармашылық ұжымдардың жаңаруы, оларға алдағы уақытта тек жетістіктерге жетіп жаңа белестер тіледі. Талқылаудан кейін қазылар алқасының төрағасы фестивальдің нәтижелерін жария етті. Байқауды бағалау шарттарының барлық өлшемдері бойынша, оның ішінде, безендіру, дыбыстандыру, режиссура, костюмдер бойынша біздің ауданға балл берілді.
Сондай-ақ аталмыш іс-шара барысында, Дәмер Елтайұлы Диев Агрофирмасының «Айналайын» би ұжымын жетекшісі Рабиға Гилимханқызына «Алғыс хат» табыс етті.
Мерекелік іс-шараға қолдау көрсетіп келген көрермен қатысушыларға ыстық ықыластарын білдіріп ду – қол шапалақтарын аямады. Концерттік бағдарлама жоғары деңгейде өтті.