Биыл Қазақстан 13 жылдан кейін алғаш рет Республика күнін тойлайды. Бұл күн мереке қатарынан алынып тасталғанымен, биыл президент Қасым-Жомарт Тоқаев оны қайтадан атаулы күндердің бірі етіп бекітті.
Республика күні қарсаңында, 23 қазан күні Әулиекөл аудандық мәдениет үйінің концерт залында «Мақтанышым, менің Қазақстаным» атты мерекелік концерттік бағдарлама болып өтті.
Аталған салтанатты жиында аудан әкімі Ерлан Олжабайұлы құттықтау сөз сөйлеп, мереке күні министр, облыс, аудан әкімінің мадақтамаларымен марапаттады. Сонымен қатар, мемлекеттік қызметшілер Қазақстан Республикасының антын қабылдады.
Концерттік бағдарлама бөлімінде, Әулиекөл аудандық мәдениет үйінің өнер жұлдыздары және ауылдық мәдениет үйінің шығармашылық ұжымдары өнер көрсетті.