17 маусым күні, Әулиекөл аудандық мәдениет үйінің концерт залында, Ахмет Байтұрсынұылның туғанына 150 жыл толуына орай «Дәуірдің жарық жұлдызы» атты облыстық ақындар айтысы өтті.
Ақындар айтысына Қостанай облысының әр ауданынан 10 айтыскер ақын қатысты. Ернұр Әуезхан – Әулиекөл ауданы, Марғұлан Оспанов – Қостанай қаласы, Ғалымгерей Кенжеғозин - Рудный қаласы, Салтанат Өтелбаева – Қостанай қаласы, Еламан Тұрсын – Амангелді ауданы, Айбар Рагатов – Арқалық қаласы, Балтасар Тұрсынбекұлы – Амангелді ауданы, Батырлан Сағынтаев – Арқалық қаласы, Байбатыр Ахметбеков-Жангелдин ауданы, Мамай Ізтілеу - Бейімбет Майлин ауданы.
 Іс-шара қазақ халқының рухани мұрасын насихаттауға, ақындық импровизацияны дамытуға, ақындардың мәдениеті мен орындаушылық шеберлігін арттыруға, халықты дәстүрлі фольклорлық шығармашылыққа баулуға бағытталған.
Қатысушылардың шеберлігін: Амангелді ауданының Құрметті азаматы, Қазақстан Республикасының Мәдениет қайраткері, «Үздік ұстаз», халықаралық үздік мұғалімдер энциклопедиясының мүшесі, халықаралық, республикалық, облыстық айтыстардың жеңімпазы, - Орманшина Әлпия Карбозқызы, Филология ғылымдарының кандидаты, Мәдениет үздігі , ақтаңгер ақын, Алаштың құрметті ақыны - Қалиев Айбек Қиықбайұлы, бірнеше облыстық, республикалық айтыстардың жеңімпазы, бірнеше әдеби кітаптардың авторы, Әулиекөл ақыны - Абай Хамитұлы Қажиев, Астана Опера және балет театрының қызметкері – Жадыра Құтжанова.
Ақындық сайыс барысында ақындар республиканың егемендік, саяси тұрақтылық, достық, Қазақстан халқының бірлігі мен келісімі жылдарындағы жетістіктері мен табыстарын жырлады, әрине, айтыстың ерекшелігі Ахмет Байтұрсынұлының мерейтойына арналды.
Айтыстың қорытындысы бойынша:
Бас жүлде мен ақшалай сертификатты Батырлан Сағынтаев - Арқалық қаласы;
Бірінші орын мен ақшалай сертификатының иегері Кенжеғожин Ғалымгерей - Рудный қаласы;
Екінші орын Мамай Ізтілеу - Бейімбет ауданы;
Үшінші орын Марғұлан Оспанов - Қостанай қаласы;
Арнайы жүлде Әуезхан Ернұр - Әулиекөл ауданына бұйырды.
Барлық қатысушылар мадақтамалармен ақшалай сыйлыққа ие болды.