6 мамыр күні Әулиекөл аудандық мәдениет үйінің концерт залында, Отан қорғаушылар күніне арналған «Ұранды ердің — ұрпағы қайсар» атты мерекелік концерт өтті. Биыл қарулы күштерге 30 жыл толады. Ең ержүрек мереке қарсаңында тек погон киіп, Отанын қарумен қорғап жүргендерді ғана емес, сонымен қатар бейбіт өмірді қамтамасыз етіп, өз отбасын қорғап, Әулиекөл жастарын патриоттық тәрбиемен айналысатындарды да құттықтады. Отан қорғаушыларды аудан әкімінің орынбасары  Сүлекеев А.С және « Әулиекөл және Науырзым аудандарының Қорғаныс істері жөніндегі біріктірілген бөлімі» РММ-нің подполковнигі Сапинов Мақсат Заманбекұлы әскери қызметкерлер мен Қазақстан халқын айтулы мерекемен құттықтап мақтау грамоталарын табыс етті.
Мерекелік концерт бөлімінде аудандық мәдениет үйінің көркемөнерпаздары ән шырқап, бишілер биден шашу шашты. Олардың қатарында: «Тучи в голубом»  әнімен Анастасия Болингер, «Талисман» бишілер ұжымы, «Туған жер» әнімен «Қыздар» триосы, «Көрғұлы» күйімен «Жігер» домбырашылар тобы, «Қазағымсың» әнімен Мөлдір Төребаева, «Не надо печалится, вся жизнь, впереди...» әнімен «Услада» вокалдық тобы, «Атамекен» әнімен Мадияр Серіков көрермендері тамаша ән, күй, бимен қуантты. Келген көрермендер барлық музыкалық нөмірлерді қуана қабылдады. Мерекелік бағдарламаның финалында «Ернат» тобының орындауында «Мен қазақтың баласы» әні шырқалды. Концерттік бағдарлама жоғары кәсіби деңгейде өтті.