27 сәуір күні, Әулиекөл аудандық мәдениет үйінің концерт залында, Қазақстан Республикасы халықтарының шығармашылығы және мұрасы жылына арналған «Өнеріміз саған, Қазақстан!»  атты облыстық көркемөнерпаздардың халық шығармашылығының XXXV байқау-фестивалі болып өтті.
Облыстық байқаудың қонақтары мен қазылар алқасының мүшелерін Тәуелсіздік аллеясында қарсы алып, Әулиекөл ауданының көркемөнерпаздар ұжымы ұлттық киім киіп, келген қонақтарды ән шашумен қарсы алды. Сондай-ақ, мәдениет үйінің фойесінде әртүрлі көрме көрсетіліп, іс-шараны жандандыра түсті.
Мәдениет үйі жыл сайын осы іс-шараға дайындалып, сахнада қызықты және есте қаларлық сәттерді,  келген көрерменге керемет көңіл-күй сыйлауға тырысады.
Аталмыш іс-шара Қазақстан Республикасы халықтарының шығармашылығы және мәдени мұрасы сонымен қатар балалар жылы аясында өтті. Байқауға қатысушылар қазақстандық патриотизм, азаматтық және толеранттылық, бейбітшілік, ұлттық келісім туралы әндерді шырқады. Нөмірлердің жанрлық сан алуандығымен туған музыка өнерімен, туған халқына, туған жеріне деген сүйіспеншіліктерін көрсетті.
Байқау-фестивальге: «Услада», «Жастар дуэті», «Қазына» вокалдық тобы, Б.Жүнісов атындағы «Жетікөл» қазақ халық ұлт аспаптар оркестрі, «Транзит» вокалдық аспаптық тобы, Дарья Столесинова, мәнерлеп оқу «Услыште меня» Тамара Алексеева, Асхат Шыңғысов, «Ерлер» вокалдық тобы, Айса Самал, «Эдельвейс» би ұжымы, «Непоседы» би ұжымы, «Талисман» және «Эсмеральда» би ұжымы, «Ернат» тобы, «Қыздар-ай» вокалдық тобы, Қобызшылар ансамблі қатысты.
Қазылар алқасы жыл сайынғы дәстүрлі көркемөнерпаздар байқауларына қатысатын ұжымдардың шығармашылық қабілеттерінің деңгейі айтарлықтай өсіп келе жатқанын атап өтті. Әртістік және сахналық мәдениет, сахналық бейнелер мен костюмдердің сәйкестігі, түсі мен алуан түрлілігін бағалап, шешім шығарды. Сондай-ақ, шығармашылық ұжымдардың жаңаруы, оларға алдағы уақытта тек жетістіктерге жетіп жаңа белестер тіледі. Талқылаудан кейін қазылар алқасының төрағасы фестивальдің нәтижелерін жария етті. Байқауды бағалау шарттарының барлық өлшемдері бойынша, оның ішінде, безендіру, дыбыстандыру, режиссура, костюмдер бойынша біздің ауданға балл берілді.
Мерекелік іс-шараға қолдау көрсетіп келген көрермен қатысушыларға ыстық ықыластарын білдіріп ду – қол шапалақтарын аямады. Концерттік бағдарлама жоғары деңгейде өтті.