3 қыркүйек күні, Әулиекөл аудандық мәдениет үйінің концерт залында, Аудандық тілдер орталығымен бірлесіп, Қазақстан Халқының тілдер күніне арналған «Тіл халық - қазынасы» атты мерекелік концерт өткізді.
«Әулиекөл ауданының мәдениет және тілдерді дамыту бөлімі« ММ басшысы Тоқаев Жібек Кәкімжанқызы және Әулиекөл ауданы әкімдігінің Тілдерді оқыту аудандық орталығының директоры Игілік Нұрлыбек Мағауияұлы құттықтау сөз сөйледі. Құттықтау сөздерінен кейін дәстүрлі түрде өтетін  марапаттау рәсімі болды, онда ауданда тілдердің дамуына өз үлесін қосқан адамдар марапатталды.
Концерттік бағдарламада украин , белорус, қазақ, татар тілдерінде әндер шырқалып, «Эдельвейс» би ұжымы украин және орыс билерімен өнер көрсетті.