Қай халықтың болмасын өсіп-өркендеуі, ақыл-ойы мен санасының, әдебиеті мен мәдениетінің, өнері мен білімінің – қысқасы, бүкіл рухани жан дүниесінің дамуы, жалпы адамзаттық өркениетке ұмтылысы – сол халықтың өміріне, ұлт ретінде адами болмысы мен рухына іргелі бетбұрыс жасаушы ұлы дарындардың тарихи еңбегімен, қайталанбас қайраткерлік тұлғасымен тығыз байланысты болып жатады.            
Қазақ халқы үшін сондай дара тұлға, әрбір сөзі даналықтың үлгісіндей болған ұлы ақын, ойшыл-философ Абай Құнанбайұлы.
10 тамыз күні, Әулиекөл аудандық мәдениет үйінің концерт залында Абай Құнанбаевтың туған күніне арналған «Ұлы халықтың – Ұлы Абайы атты» мерекелік концерт болып өтті.  Концерттік бағдарламада: Жайсанов Рахат «Айттым сәлем Қаламқас», Қасымов Ерлан мен Айса Самал «Бойы бұлғаң», Қажиев Ансаған «19-шы қара сөз», Төребаева Мөлдір «Көзімнің қарасы», Бауыржан Жумжумин «Желсіз түнде жарық ай» әнің шырқады.