27 шілде күні «Рухани жаңғыру» бағдарламасы аясында қазақтың ұлттық ойыны «Ақсүйек» ойналды. Аудандық мәдениет үйінің жастары ұлттық ойынды дәріптеп, ойын барысында ән шырқарылып, домбырамен күй де ойналды. Ойын шарты бойынша екі адамнан жұмтасып, жасырынған сүйекті іздеді.
Ақсүйек ойыныңда да малдың сүйегін, жілігін қолданады. Ақсүйек - қазақ халқының ұлттық ойыны. Бұл ойын жаздың немесе көктемнің жылы, ашық түнінде ойналады. Түндердің ішінде ай жарық болған түн таңдалады. Себебі қараңғы түнде сүйекті табу қиын соғуы мүмкін. Ақсүйек ойынына он шақты адам қатыса алады. Жиналған адамдар екі топқа бөлінеді. Алдын ала сүйекті лақтыратын адам таңдалады. Кейін ол сүйекті алыс жаққа лақтырады. Лақтырған соң екі топ оны іздеуге кіріседі. Сүйекті тауып алған топ, бір-біріне сүйекті беріп, арнайы сөреге жеткізуі керек. Қарсыластар болса оны тартып алуға тырысады. Сөреге сүйекті апарған топ, жеңген болып есептеледі.  Жеңілген топ болса ән айтып, жеңген топтың көңілін көтеруі тиіс. Бұл ойын жылдамдыққа, шапшандыққа және қараңғылықта жол табуды үйретеді. Ақсүйек – көбінесе жастардың ойыны болып есептеледі. Бұл спорттық және өнерлік  ойынды, жас жігіттер мен қыздар далалы жерге жиналып, бір бірімен қалжындасып, әзіл айтып ойнаған. Ақсүйек бірін-бірі ұнатқан жастардың оңаша кездесуіне дәнекер де болған.
Аталмыш іс-шарада Бауыржан Жумжумин мен Ольга Шурыгина жеңімпаз аталып сыйлықтармен марапатталды.