- Мен Алпысов Серiк Нағашыбайұлы 1990 жылы 4 мамырда Қостанай облысы Жангелді ауданы Тауш ауылында дүниеге келдім. 1997 жылы Қаратүбек орта мектебіне 1 сыныпқа алынып, 2008 жылы 11 сыныпты тәмәмдадым. 2008 жылы Ы. Алтынсарин атындағы Арқалық педагогикалық институтына оқуға түсіп,2012 жылы диплом алдым. 2015 жылдан бастап Ы.Алтынсарин ауданындағы "Балалар шығармашылық үйі" мен "Мәдениет үйінде" қызмет жасап жатырмын. Жалпы өзім өнерлі отбасында дүниеге келдім. Әкем І.Жансүгіровтың "Құлагер" поэмасын жырлаған ел танитын жыршы кісі. Көзімді ашқаннан көрген дүнием ол "Домбыра". «Көргенін істемеген көргенсіз»,- деген бір мақал бар еді. Бала күнімнен құлағыма қанық жақын аспап. Ал тектілік қаннан ғой. Өнерге жақын болуым осы дүниелердің қосындысынан деп білемін.
«Шәкіртсіз – ұстаз тұл» деген бар. Өзіңізді өнер жолына дайындаған ұстаздарыңызға тоқтала кетсеңіз.
- Менің ұлы ұстазым ол әкем. Біз көргенімізді жасадық, содан бастау алдық. Ал сол өнерді елге көрсету жолында бастау берген ұстазым ол - Бақыт бәлен ше ағам. Тұсауымды кескен десем де артық болмас. Жоғары оқу орнында жүргенде домбыраны қолға алып "Айтыс" дейтін ұлы өнерге араласып, өнер жолында дос табуыма, таза жолды көш табуыма себепкер "Ақтангер" Айбек Қалиев ұстаз ағамыз. Кейін оқу бітірген соң эстрадамен ән айтуға махаббатымды оятқан ол Торғайдың жігіттері "Шахар" тобы. Құрамы қазіргі кезде Қазақстан дауысының алғашқы жеңімпазы Шахаризат Сейдахмет және әнші ақын ағам Айтуар Зейнолла. Үлкен ортада ән салып, сөз сөйлеп қалыптасуыма себепші жол көрсетуші ұстазым - Шахаризат Сейдахмет.
Адам бойындағы қандай қасиеттерді жоғары бағалайсыз?
- Шынайылық пен қарапайымдылық және сабырлық пен жанашырлық.
Өнердегі ізбасарларыңызға қандай кеңес бересіз?
- Қазақылығы бойында басым болса, таңдаған жолынан жаңылмай көздеген мақсатына жетіп, сіңірген өнерін кейін болашаққа аманаттаса деймін.
Қазіргі таңда көпшілік әлеуметтік желіде, БАҚ бетінде шашын бояп, құлағына сырға таққан жас әнші топтарды сынап жатыр. Оған сіздің көзқарасыңыз қандай?
- Қазақылық жоғалған жерде бәрібір қорқыныш болады, артық сөзім жоқ.
Барлық әлем «короновирус» деп жатыр, осы індет қазақ өнеріне өз кесірін тигізу мүмкін бе?
- Өнерге қатысы ғана болса бұл әлемді дүрліктірген дерт. Еліміз аман болсын деймін. Сонда
Бауыржан ҚАСЫМХАН
