«Біздің елдің жігіттері» рубрикасының кейіпкері-Меңдіқара ауданының мәдениет және тілдерді дамыту бөлімінің «Юбилейный» Мәдениет үйі» КҚМК басшысының міндетін атқарушы Мұрат НАҒАШЫБАЙ

Портал туралы Орталық туралы Халықтық ұжымдар МҰ сайттары Сұхбат Галерея Шабыт қанатында Біз БАҚ-та Сұрақ-жауап

ҚОСТАНАЙ ОБЛЫСЫНЫҢМӘДЕНИЕТ ҮЙЛЕРІНІҢАҚПАРАТТЫҚ ПОРТАЛЫ

Қостанай облысы әкімдігінің мәдениет басқармасының

🌐 culture_qostanai 🇰🇿

БАСТЫ ОҚИҒАЛАРДЫҢ КАЛЕЙДОСҚОПЫ БАЙҚАУЛАР МЕН ФЕСТИВАЛЬДАР ШЕБЕРЛІК СЫНЫПТАРЫ ӘДІСТІМЕЛІК ЖИНАҚ БАЙҚАУЛАР ЕРЕЖЕЛЕРІ ІС-ШАРАЛАР АНОНСТАРЫ

Сұхбат

«Біздің елдің жігіттері» рубрикасының кейіпкері-Меңдіқара ауданының мәдениет және тілдерді дамыту бөлімінің «Юбилейный» Мәдениет үйі» КҚМК басшысының міндетін атқарушы Мұрат НАҒАШЫБАЙ

04.04.2020

1625

- Елімізде мәдениет саласын дамыту мен мемлекеттік тіл мәселесіне ерекше көңіл бөлініп келеді. Ендеше, әңгімемізді өзіңіз басқарып отырған мекеменің қызметінен бастасақ.

Тәуелсіздік алғаннан бастап елімізде мемлекеттік тілдің қолданыс аясы кеңейуде. Аудандық Мәдениет үйінің ұжымы Ана тіліміздің өркендеуіне және дамуына өз үлестерін қосуда. Жалпы айта кетсем, осыдан біраз жылдар бұрын аудандық іс-шаралар өзге тілде басымырақ өткізілді. Кейінгі 10 жылдан бері ұйымдастырылған мерекелер мен іс-шаралардың 80 пайызы ана тілімізде өтуде. Елбасымыздың «Рухани жаңғыру:Болашаққа бағдар» бағдарламасы еліміздің дамуына, рухани өркендеуіне айқара жол ашты деуге болады. Соңғы төрт жыл көлемінде ауданымызда осы бағдарлама аясында көптеген іс-шаралар өтуде. Атап айтар болсақ, аудандық өнерпаздар арасында «Бабалар сазы» термешілер байқауы, «Аталар айтқан ақ бата», 2019 жылы «Асабалар алаңы» жобасы бойынша ақындар мен асабалар айтысын өткіздік. Биылғы жылдың басында Алтын орданың 750 жылдығына орай «Ұлы дала үні» атты қазақ ұлт аспаптар фестивалін өткіздік. Меңдіқара ауданы мәдениет және тілдерді дамыту бөлімі және Тілдер оқыту орталығы бірлесіп жұмыс жасаудамыз. Тілдер күніне арналған мерекелік шаралар өткізудеміз. Алдағы уақытта Абай Құнанбаевтың 175-жылдығына арналған кейбір іс-шараларды осы Тілдерді оқыту орталығымен бірлесіп өткіземіз.

- Мәдениет үйлерінің қызмет сапасын жақсартуда қандай шаралар атқарылуда?

Қазір заманауй техниканың дамыған кезі. Осы заман талабына сай Мәдениет үйінің өнерпаздары әр түрлі форматта жобалар, байқаулар өткізуде. Бұндай жаңа бағытта жұмыс атқарып жатқан мәдениет қызметкерлерінің қызмет сапасы қай жағынан болсада жоғалмайды. Сапалы жұмыс жасап, ізденісте жүрген өнерпаз көрермендерін жоғалтпайды. Мәдениет үйінің қызметкерлері біліктілігін арттыру мақсатында республикалық және облыстық шеберлік сабақтарына үнемі қатысып отырады. Ал тәжірибе алмасу мақсатында өзге аудандармен тығыз қарым-қатынас жасайды.

Посмотреть эту публикацию в Instagram

Публикация от www.ocsnt.kz (@culture_qostanai) 4 Апр 2020 в 9:42 PDT

- Мәдениет үйіне жас мамандарды тарту жағы қалай болып жатыр? Қызметке жаңадан орналасқан жастардың ұжыммен жұмыс жасау белсенділігі қалай?

«Дипломмен ауылға» бағдарламасы бойынша 2010-2018 жылдар аралығында 7 жас маман өнер саласы бойынша жұмысқа орналасты. Бағдарлама бойынша жастарға қаржылай көмек көрсетіліп қолдау жасалды. Жас таланттардың арасында «Жастар» вокалдық тобы құрылды. «Домбыра сазы» ұлт аспаптар ансамблінің құрамы кеңейтілді.
Дарынды, әншілік қабілеті бар оқушыларды өнерге баулу мақстында былтырғы жылы «Меңдіқара дауысы» балалар арналған ән байқауын өткіздік. «Жастар» тобының мүшелері және кәсіби өнерпаз Марат Өтегенов тәлімгерлік жасап, 60 қатысушы баладан өздеріне шәкірт таңдап, болашақ әншілерді тәрбиелеуде. Қазіргі уақытта аудандық мерекелерде ән шырқап, өнер көрсетуде. Биылғы жылы Байдос Қожасағиев есімді - талантты жас маман келді. Термеші, домбырашы, болашақта өз жұмысының шебері болады деп сенім артамын. Алдағы уақытта оқушылар арасында терме сыныбын ашуды жоспарлап отыр. Бәрі уақыттың еншісінде. Өнер адамы ізденісте, еңбектену жолында жүру керек. Ал еңбектенген, ізденісте жүрген маманға сұраныс көп болады.

- Әлемді жаулаған коронавирус инфекциясы елімізді айналып өтпеді. Салдарынан, көптеген салалардың жұмысы тұралап қалды. Соның ішінде мәдени іс-шаралар да бар. Сіздер елде болып жатқан төтенше жағдай кезінде қалай жұмыс істеп жатырсыздар? Сала жұмысын жүйелеуде қай бағытта басымдық берілді?

Барлық әлемді дүрліктірген бұл індет біздің елімізді айналып өтпеді. 2020 жылғы 15 наурыздағы Қазақстан Республикасы Президентінің Жарлығына сәйкес азаматтардың өмірі мен денсаулығын қорғау мақсатында еліміздiң барлық аумағында Төтенше жағдай енгізілді. Еліміз бойынша COVID–19 коронавирусының алдын алу және таралмауы бойынша күрес жүріп жатыр. ТЖ кезеңінде Қазақстанның әрбір азаматы барлық уақытша шектеу шараларын сақтау қажет. Біздің қоғамның бірлігі мен ынтымақтастығы бізге күш пен сенімділік береді, соның арқасында біз барлық қиындықты бірге жеңеміз «Біз біргеміз!». Осы орайда, жоспарымызда тұрған мерекелік іс-шаралар мен байқаулар онлайн түрде өтуде. Мәдениет үйінің өнерпаздары әр апта сайын «бізбіргеміз» акциясы бойынша кезектесіп өз шығармашылықтарын көрерменмен бөлісіп, тікелей эфирде, онлайн түрде концерт беруде. Ауылдық мәдени клубтар әлеуметтік желіні пайдалана отырып эстафеталар, викториналық сұрақ-жауап ойындарын өткізіп өз жұмыстарын атқаруда. Біздің де Мәдениет үйінің және ауылдық клубтардың 70 пайыз жұмыскерлері қашықтықтан өз жұмыстарын атқаруда. Алдағы уақыттарда осы бағыттағы атқарылып жатқан жұмыстарды әлеуметтік желілерден тамашалап, куә боласыздар деген сенімдемін.

Бауыржан ҚАСЫМХАН