ӘРІПТЕСТЕРГЕ МӘДЕНИЕТ ҚЫЗМЕТКЕРЛЕРІ КҮНІНЕ АҚ ТІЛЕК — АХМЕИЛОВА РАБИГА ГИЛИМХАНОВНА, Әулиекөл ауданы, Диев ауылдық клубының мәдени ұйымдастырушысы: БИЫЛҒЫ ЖЫЛ ЖЕМІСТІ БОЛДЫ
МӘДЕНИЕТ САЛАСЫНА ҚАЛАЙ КЕЛДІҢІЗ? — 1977 жылы Диев орта мектебін бітіріп Повладар мәдени ағартушылық училищесіне Хореография бөліміне түстім. 1981 жылы Шымкент мәдениет институтына түсіп оқуды аяқтағаннан кейін мен Қостанай облысы, Семиозер ауданының Диев ауылының мәдениет үйіне жұмысқа орналастым. Осы уақытқа дейін осы салада 40 жыл жұмыс атқарамын.
БИЫЛҒЫ ЖЫЛ ШЫҒАРМАШЫЛЫҚ ЖАҒЫНАН НЕСІМЕН ЕРЕКШЕ?
Диев мәдениет үйінде жұмыс жасағалы мен өз салам бойынша көп жетістіктерге жеттім, бұл менің және менің «Ақ көгершін» тобы оқытушыларымның жетістіктері деп ойлаймын. Биыл біз үшін өте қолайлы жыл болды, өйткені биыл Ақтөбе облысында өткен байқауда би номинациясы бойынша біз Гран-при жеңіп алдық.
МЕРЕКЕ ҚАРСАҢЫНДА ӘРІПТЕСТЕРІҢІЗГЕ ТІЛЕК ЖОЛДАСАҢЫЗ
Жыл сайын қуанышқа бөленіңіз,
Бақытқа отбасылық кенеліңіз!
Жұмыста еңбегіңіз бағаланып,
Медальмен, орденменен еленіңіз, деген 1 шумақ өлеңіммен тілегімді жеткізейін.
