ӘРІПТЕСТЕРГЕ МӘДЕНИЕТ ҚЫЗМЕТКЕРЛЕРІ КҮНІНЕ АҚ ТІЛЕК — БАЙШИН НҰРЛАН БАЛТАБАЙҰЛЫ, Сарыкөл аудандық Мәдениет үйінің басшысы: МӘДЕНИЕТ САЛАСЫН ДАМЫТУҒА БАР ҮЛЕСІМДІ САЛАМЫН
МӘДЕНИЕТ САЛАСЫНА ҚАЛАЙ КЕЛДІҢІЗ? — 2004 жылы Арқалық жасөспірімдер театрында «Қыз-Жібек» спектакльін көріп, театрға деген қызығушылығым артып, актер мамандығына оқуға түсемін деп шештім. 2006 жылы Астана қаласы, Қазақ ұлттық өнер уневерситіне актер мамандығына түстім. 12 жыл қазақ театр сахнасында өнер көрсетіп,әртүрлі спектакльдерде ойнадым. Қазіргі таңда Сарыкөл аудандық Мәдениет үйінің басшысы қызметін атқарудамын.
БИЫЛҒЫ ЖЫЛ ШЫҒАРМАШЫЛЫҚ ЖАҒЫНАН НЕСІМЕН ЕРЕКШЕ?
— Биылғы жылым Сарыкөл аудандық Мәдениет үйінің басшысы болып тағайындалғаныммен ерекшеленді. Шығармышық тәжірибиеммен бөлісіп,ауданның мәдениетін дамытуға өз үлесімді қосып және өзіме де жаңа шығармашылық тәжірибие аламын деген ойдамын.
МЕРЕКЕ ҚАРСАҢЫНДА ӘРІПТЕСТЕРІҢІЗГЕ ТІЛЕК ЖОЛДАСАҢЫЗ
— Құрметті, мәдениет саласының қызметкерлері мен ардагерлері! Сіздерді кәсіби мерекелеріңіз – Мәдениет және өнер қызметкерлері күнімен шын жүректен құттықтаймын! Сіздер еліміздің әлеуетін арттыруда халықты өрелі өнермен сусындатып, рухани байлықты толықтыруға және игі дәстүрлерді жалғастыруда аянбай еңбек атқарып келесіздер! Киелі өнер жолында өңірлеріңізді елге танытып, биік тұғырдан көрсетіп жүрген баршаңызға зор денсаулық, отбастарыңызға амандық, еңбектеріңізге шабыт, жаңа шығармашылық ізденістер тілеймін!
