«Ақжелең» фольклорлық-этнографиялық ансамблінің жетекшісі Есжанов Ыбырай Әуезханұлымен сұхбат
«Шаңырақ» ұлттық өнер орталығында түрлі сұхбаттар өтеді.
Мұрат Нағашыбай өнерпаздардың басын біріктіріп, өңірдің мәдени жетістіктерін ілгерілетіп, ұлт өнерінің дамуына үлес қосып жүрген жандармен қызықты кездесулер өткізіп жүр. Бұл жолы да кеш қонағы ретінде домбырашы, күйші, «Ақжелең» ұлт-аспаптар ансамбльінің жетекшісі Ыбырай Есжан қонаққа келді.
Сұхбаттасу барысында ансамбльдің 30 жылдық мерейтойы, осы датаға арнайы өткен концерттік кеш жайында әңгіме өрбіді. Жас та болса бас болған ансамбль жетекшісі айтулы кештің өтуі, ұйымдастырылу барысы жайын әңгімеге қосты. Өзіне жүктелген зор сенімді ақтауға ұмтылудың арқасында, өңірдің өнерді бағалаған жанашырларының қолдауымен кеш жоғары деңгейде өтті.
Домбырашы өзінің ұстазы Назымбек Молдахметовтың есімін сағынышпен еске алып, ол кісінің еңбегін ерекше даралады. Жалпы өнер жолы, домбырашылық қасиет жайына да тоқталды.
Сұхбат соңында өнерпазға Облыстық көркемөнерпаздардың халық шығармашылығы мен кинобейнеқор орталығының басшысы Дәмер Елтайұлының атынан алғыс хатпен естелік сыйлық табысталды.
