Бүгін халықаралық, республликалық байқаулардың лауреаты, дәстүрлі әндерді насихаттаушы, халық әндерін орындап, ұлттық өнердің дамуына үлес қосып жүрген өнерпаз арулардан құралған «Шалқыма» вокалдық домбырашылар ансамблі «Шаңырақ» ұлттық өнер орталығында сұхбат берді.
Сырлы сұқбатты ансамбль жетекшісі Айнұр Тойлыбайқызы топ құрамын таныстырудан бастады. «Шалқыма» вокалдық домбырашылар ансамблі 2008 жылы құрылды. Құрамында жеті өнерпаз ән салады. Репертуарларында халық әндері, Қазақстан компазиторларының туындылары бар. Ансамбль аруларының: «Әсем әнім – сырнайдай, Әлем сүйіп тыңдайды-ай» - деп сызылта салған әні кім-кімді де саз сиқырына ұйытатын тәрізді.
Емен-жарқын әңгіме барысында ансамбль өкілдері өздерінің жетістіктерін сөз етіп, жаңалықтарымен, ой-толғамдарыман бөлісті. Алдағы уақытта ауылдарды аралап ән кештерін беруді жоспарлап отырғандарын айтып өтті.
Сұхбат барысында сахна сұлулары әсем әннен шашу шашып, тамаша өнерлерімен тәнті етті.
Кездесу соңында өнерпаздарды Облыстық көркемөнерпаздардың халық шығармашылығы мен кинобейнеқор орталығының басшысы Д.Қалқаев Алғыс хатпен марапаттап, гүл шоқтарын табыстады.
«Шалқыма» вокалдық домбырашылар ансамбліне шығармашылық табысқа кенеліп, жоғары жетістіктерге жете берсін деген тілек білдіреміз!
