ҚАРАША, 2017. Төлен Әбдіковтың 75 жылдығына арналган кеш

Төлен Әбдіковтың 75 жылдығына арналган кеш

Фото И Мармалиди

2017 жылғы 24 қараша күні қазақ халқының сүйенерге жараған көрнекті жазушысы «Қазақстан Республикасының Еңбек сіңген қайраткері, Мемлекеттік сыйлықтың иегері, «Парасат орденінің иегері» Франц Кафка атындағы халықаралық сыйлығы және алтын медалінің иегері жерлесіміз Төлен Әбдіковтың 75 жасына арналған шығармашылық әдеби кеш болып өтті. Шығармашылық кеште елімізге танымал ақын-жазушылар, билік өкілдері, қоғам қайраткерлері қатысып, қаламгер жайлы ой-пікірлерімен бөлісті. Шарада Төлен Әбдіков шығармаларындағы ұлттық болмыс, қаламгердің шығармашылық келбеті оның туындыларындағы рухани әлем суреттері мәселелері кеңінен талқыға түсіп, ақын жайлы ыстық ықыласқа толы жылы лебіздер айтылды. Кездесу кешті белгілі тележурналист, «Qostanai'» арнасының директоры Еркін Мұхамеджанов жүргізіп отырды. Қостанай облысының әкімінің орынбасары Марат Жүндібаев өңір басшысының құттықтау хатын оқыды. Кеште мемлекеттік сыйлықтың лауреаты Қажығали Мұхамедқали, облыстық ардагерлер кеңесінің төрағасы Кенжебек Укин сөз алып, жазушы шығармашылығына тоқталды.
Басқосу барысында Жанкелдин ауданының әкімі Шота Оспанов жерлес жазушыға ат мінгізіп, шапан жапты. Сондай-ақ, Төлен Әбдікұлына «Жанкелдин ауданының құрметті азаматы» белгісін тапсырды.