Ұлыстың Ұлы күні Наурыз мейрамы қарсаңында Заречный ауылдық «Современник» мәдениет үйінде «Наурыз-Думан» атты мерекелік концерт ұйымдастырылды. Мерекенің шымылдығы қазақ халқының салт-дәстүрінің бірі болған шашумен және тамаша әнмен түрілді.
Ауыл тұрғындар мен мереке қонақтарын Наурыз мейрамымен ауыл әкімі Исмагамбетов Нұрғиса құттықтап, ізгі ниетін білдірді.
Сахнаның сәнін келтірген, тыңдармандардың жүрек төрінен ерекше орын алған өнер иелері Арайлым Ибраева, Бақытжамал Жексембина әннен тарту жасаса, қазақтың ұлттық аспабы қара домбыраның құлағында ойнаған Мұрат Нағашыбай, Нұрғожа Нұртаевтар термені нақышына келтіріп орындап мерекенің көрігін қыздырды. Мың бұрала билеген «Салтанат» би ансамблі әртүрлі ұлт өкілдерінің биімен көрермендерді тәнті етті. «Светлица», «Сударушка» вокалдық топтары да тамаша орындауларымен көптің қошеметіне бөленді.
Мерекелік іс-шара наурыз мейрамының мән-мағынасы мен құндылығын дәріптей отырып, кеш қонақтарына тамаша көңіл-күй сыйлап, руһани байлыққа бөледі.
