Құрметті әйелдер қауымы! Сіздерді көктемнің ең жарқын мерекесі – Халықаралық әйелдер күнімен шын жүректен құттықтаймыз!
Бұл – ақ жаулықты аналардың, аяулы қыз-келіншектердің мейрамы.
Дегенмен біз нәзік жандыларға деген құрметімізді осынау күні ғана білдірмейміз, қазақ халқы қыз баланы қашанда қастер тұтқан.
Әйелді тіршіліктің ұйытқысы, шаңырақтың берекесі деп ұққан.
Расында да қоғамның өсіп-өркендеуі, дамуы, адамзаттың бақытты болуы әйелге байланысты.
«Ана бір қолымен бесік тербетсе, бір қолымен әлемді тербетеді» деген нақылдың өзі осының дәлелі.
Өмірге мән беретін жылулық та, көңілге сән беретін сұлулық та сіздерде.
Ұрпақ тәрбиесімен қоса, мемлекеттің дамуына қосып жүрген үлестеріңіз де өлшеусіз.
Сіздер өз салаларыңыздың кәнігі маманы ретінде де еселі еңбек етіп келесіздер.
Қадірменді нәзік жанды әріптестер! Әрқайсыңызға әйел бақытын тілейміз!
Әрдайым көктемдей құлпырып, гүлдей жайнап жүре беріңіздер!
Мейрамдарыңыз құтты болсын!
