2016 жылы 14 қаңтарда Қазақстан Республикасының Президенті Н. Ә. Назарбаев Қазақстан халқы Ассамблеясының құрылған 1 наурыз күнін «Алғыс айту күні» деп жариялады.
Қазақ жері тағдыр тәлкегімен Қазақстан жеріне еріксіз қоныс аударған мыңдаған түрлі ұлт өкілдерінің құтты қонысына айналған қасиетті мекен. Қиын – қыстау заманының қиындығын бірге көтерген жаны жайсаң, қонақжай қазақ халқы олардың жетімін бауырына басып, ашыққанын тойдырып, жыртығын жамап, бір шаңырақтың астында өмір сүрді.
Алғыс айту күні көп ұлтты еліміздің бірлігі мен тыныштығын нығайту негізінде барлық қазақстандықтарға деген құрметтің орнығуына негіз болған атаулы күні. Осы мақсатта көптеген өзге ұлт өкілдері еліміздің түпкір-түпкірінен Қазақ халқына деген алғыстарын білдіруде. Осы мақсатта, атаулы мереке қарсаңында облыстық көркемөнерпаздардың халық шығармашылығы мен кинобейнеқор орталығы да еліміздегі пандемия кезінде халық денсаулығының арашасы болған дәрігерлерге, қоғамдық тәртіпті қадағалаған тәртіп сақшыларына, қиын-қыстау кезеңде халыққа қол ұшын берген кәсіпкерлер мен еріктілерге және халықтың көңіл-күйін көтеріп, мәдени іс-шаралар ұйымдастырған әріптестерімізге алғыс білдіреді.
