Құрметті әріптестер!
Келе жатқан жаңа 2021 жыл құтты болсын! Жаңа жыл – ақ тілектер мен пәк үміттердің, ғажайып сәттердің мерекесі.
2021 жылдың төрімізге шығуына көп қалмаса да әлі де уақыт бар екенін ескеріп, өткен күндерге зер салып көрейікші. Биылғы ауыр эпидемиялық жағдайға қарамастан, әрқайсымыз жайдары, табысты және қуаныш сыйлаған оқиғаларды есімізге түсіре аламыз. Біз шығарып салғалы тұрған жыл жарқын мәдени оқиғаларға толы болды, ол қостанайлықтардың зор рухани әлеуетінің дәлелі бола алады. Мәселен, Ыбырай Алтынсарин ескерткішінің ашылуы, әйгілі мәдениет қайраткерлеріміздің мерейтойлары, халықаралық байқаулардағы үлкен жеңістер – бәрі-бәрі осы сөзіміздің айғағы. Қостанайлықтардың есімдері бүкіл елге танымал болды. Нақтылай түссек, "Ұлы Дала зары" фильміне түскен Әділет Жанғали, Халықаралық онлайн-байқау лауреаты атанған мәдени-демалыс орталықтың музыкалық жетекшісі Жанна Таласпаева, "БРО" ағайындылар дуэті және өзге де шығармашылық ұжымдарды тілге тиек етуге болады.
Ортақ күш біріктіру арқылы біз ең тегеурінді жоспарларды, барлық ой-мұраттарымызды қапысыз жүзеге асыра алдық.
Қош айтысқалы тұрған жыл бізге жаңа кәсіби және өмірлік тәжірибе, дидарғайып жүздесулер мен соны мүмкіндіктер сыйлады. Сондықтан әрқайсымыздың жетістіктерімізбен мақтанып, жаңа көкжиекке ұмсынуымызға толықтай негіз бар. Мәдениет қызметкерлерінің алдында жаңа міндеттер мен тың жобалар тұр. Біз сіздерге қайрат-қажыр, бақыт, береке және барлық мақсаттарыңыздың орындалуын тілейміз! Өздеріңізге деген жаңажылдық және рождестволық алғаусыз ақ тілектеріміз бен құттықтауымызды қабыл алыңыздар!
