Бұл туралы әншінің директоры Алпамыс Шәрімов Инстаграмдағы парақшасында жазды.

Top Chinese Music Awards сыйлығының марапаттау рәсімі Қытайдың Шанхай қаласында өткізілді.

“Ассалаумағалейкүм, құрметті әлеумет! Бұл менің осында алып тұрған үлкен ең алғашқы сыйлығым. Ең алдымен өзімнің ата-анама және де өзімнің жан досыма үлкен рахмет айтамын. Менің бағымды ашқан, әлемге танытқан “Singer” жобасына, және барша тыңдармандарыма рахмет айтқым келеді. Бар болыңыздар, аман болыңыздар, бұл тек бастамасы деп ойлаймын”, – деп ағынан жарылды Димаш сахнада.

Бұған дейін Димаштың қызыл кілем үстімен жүріп өтіп, сұхбат бергені жарияланған еді.

“Димашқа қарағанда Қанат аға екеуміз қатты қуанышты сиақтымыз! Залдың қабылдауы, “Димаш” деп Mercedes Benz Arena айқайлаған кезде тіпті қандай эмоцияда болатынымды айта алмаймын! Саxнада тұрып, “мені қолдап жүретін Жан досыма раxмет айтамын” дегенде жүрегім аузымнан бір ақ шықты! Қуанышымда шек жоқ! Әлемдік деңгей!!! Атаның емес Адамның баласы!!! Осы қуанышты сыйлағанына раxмет”, – деп жазады досы Алпамыс.