Сөзі Серікбай Оспановтікі, әні Алтынбек Қоразбаевтікі
Биыл Қазақстан Жазушылар одағының мүшесі, Жамбыл атындағы Халықаралық сыйлықтың лауреаты, Ө.Сұлтанғазин атындағы Қостанай мемлекеттік педагогикалық университетінің профессоры Серікбай Оспанов 75 жасқа толып отыр. Қасиетті Торғай жерінің тумасы отыздан астам әндердің, екі жүзден аса әндер мәтінің авторы. Солардың бірі Алтынбек Қоразбаевтың әніне жазылған «Сағындым Алматымды» әнінің тарихына тоқталсақ.
Сазгер Алтынбек Қоразбаев Құрманғазы атындағы консерваторияны енді ғана тәмамдап, Жамбыл облыстық «Алатау» ән-би ансамблін басқарып жүрген кезінде шық¬қан. Нағыз жастық дәурен, алты жылдық студенттік қызықты кездерінің бәрі Алматыда өткен еді. Әнде айтылатын қаланың сұлу келбетін, Көктөбе мен Алматының саябақтарында қыдырған күндерін шын сағынып, өзі ән жазып, досы Әнуар Бекжановқа тыңдатады. «Жақсы дүние екен. Бірақ менімен бірге жұмыс істейтін Серікбай Оспанов деген жігіт бар, өлеңін соған жаздырайық» деген ұсыныс айтып, келесі күні ақынмен кездеседі. Серікбай аға аз күн ішінде өлең жолдарын жазып береді.
1982 жылы Жамбыл облыстық филармониясына Ресей халық артисі Вален-тина Толкунова гастрольдік сапармен келгенде Алтынбек Қоразбаевтан ән сұрайды. «Сағындым Алматымды» әнінін тыңдап, бірден ұнатады. Әншімен бірге келген Ресей ақыны Оскар Волин орыс тіліне аударып, әнді концертте орындауға дайындайды. Осылайша әсем ән жарыққа шығып, елімізден тыс жерлерде де кеңінен таралып кетеді.
2003 жылы А.Қоразбаевтың әніне жазылған «Сағындым Алматымды» әнінің мәтіні республикалық Қазақ радиосының «Ән шырқайық» бағдарламасында «Ең үздік ән» дипломымен марапатталады.
