Ұлы күйші Құрманғазы айдаудан қайтқан жолында Үркіт, Арқа, Алатау, Сыр, Бұқара, Маңғыстау өңірі арқылы жүріп өтіп, еліне соқпай, Қиғаштың арғы бетіндегі Астрахань жағында паналағаны белгілі.
Осыған байланысты тікелей өзінің ұстазының атын атап, оған арнап күй шығаруды құпия сақтауды жөн санаған тәрізді. Сол кезде Құрманғазы Маңғыстау өңіріне барып, өзінің замандасы Есірмен кездесіп, «Маната» күйін шығарғанда, Есір Құрманғазыға «Жалдықара» күйін арнаған екен.
Сол сияқты Дина да өзінің ұстазына арнап «Меңдіқара» атты күй шығаруы әбден мүмкін. Күйдің желісі мен ішкі әуендік құрылымынан үлкен тұлғаны суреттейтін ойды аңғару қиын емес.
