Сөзі Нұрсұлтан Әлімқұловтікі, əні Шәмші Қалдаяқовтікі.
«Бар қазақты тамсандырған,
Таңнан - таңға ән салдырған,
Өзін әнмен қарсы алдырған – Шәмші едің»- дей келе бүгін назарларыңызға «Қайықта» әнінің тарихын ұсынамыз.
1974 жылы Жамбыл қаласына Шәмші Қалдаяқов келіп, Жамбыл педагогикалық институтында компо¬зитормен кездесу өтеді. Бұл жерге жер-гілікті тыңдармандармен қатар, сол кездегі жам¬былдық өнерпаздар түгелдей қатысады.
Кездесу барысында халықтың сұрағына орай Шәмші Қалдаяқов «Қайықта» әнінің тарихын өз аузымен әңгімелеп береді: Алматы қаласындағы М.Горький саяба¬ғында композитор Шәмші аға мен ақын Нұрсұлтан Әлімқұлов серуендеп жүреді. Алатаудың салқын ауасын көкі¬рек кере жұтып, жұпар иісіне елтиді. Өнер төңірегінде өзара сұхбат құрады. Сонда Шәмші қайыққа мініп алып, ары-бері су бетінде жүзіп жүрген көркем қыз¬дардың сұлулығына сүйсінеді. Қазақ қыз¬дарының көркемдігіне тамсанады. Бұл көрініс өнер адамының қиялына қанат бітіріп, шабытын шалқытып, көкірегіне көркем саз ұялатады. Жанында отырған Нұрсұлтан ақынға жақсы бір ән туып келе жатқанын айтып, әннің мәтінін жазып беруін сұрайды. Композитордың көңіліне ерекше әсер еткен сол бір көріністен әйгілі «Қайықта» әні дүниеге келеді.
