Аймақ басшысының өкімімен Қостанай облысы әкімінің орынбасары қызметіне Бақыт Амангелдіқызы Есімова тағайындалды.
Бақыт Есімова 1984 жылы 29 қаңтарда Павлодар облысы Баянауыл ауданының Майқайың елдімекенінде дүниеге келген. Санкт-Петербор мемлекеттік инженерлік-экономикалық университетін (РФ) және Калифорния университетін (АҚШ) оқып тәмамдаған. Бұған дейін Қазақстан Республикасы Президенті Әкімшілігінде мемлекеттік инспектор қызметін атқарды.
Бақыт Есімова ішкі саясат, мемлекеттік тіл саясаты, ұлтаралық қарым-қатынас, мектепке дейінгі балалар білім беру қызметтерін ұсыну, жалпы білім беру мекемелері, бастауыш және орта кәсіби білім беру мекемелері, мәдениет, дін, демография, жастар саясаты салаларына, шекаралық ынтымақтастық бағытындағы салаларға жетекшілік етеді.
Облыстық және республикалық бағдарламаларды, облыстық комиссия жұмыстарын, әлеуметтік сала жөніндегі кеңестерді ұйымдастыру, кәмелетке толмағандар арасындағы құқық бұзушылықтың алдын алу мен болдырмауын орындауды ұйымдастырады.
Бұған дейін облыс әкімінің орынбасары қызметін атқарған Марат Қонысбайұлы Жүндібаев Қазақстан Республикасы Президенті Әкімшілігіне мемлекеттік инспектор қызметіне ауысуына байланысты қызметінен босатылды.
МАҚАЛА АВТОРЫ QYDYRBEK QIYSHAN
Суреттерді түсірген Бердіболат Көркембаев.
