Қазақ халқы әнмен, күймен жүректің көзін ашып, жаратқаннан дарыған рухты сезіне білген. Ақан сері, Біржан сал, Әмірелер шырқаған дәстүрлі ән – ұлы даланың асқақ үні іспеттес.
Батыс өңіріндегі төкпе күй, Арқадағы шертпе күй – мәңгілік елдің қуат алатын өзегі. Ол – ұрпақтан-ұрпаққа дәріптеліп келеді.
Баршаңызға Ұлттық домбыра күні мерекесі құтты болсын!
Домбыра – қазақтың жаны, рухы, тарихы, салт-дәстүрі, бүкіл бітім-болмысы деп айтуға болады. Ұлттық құндылықтарымызды ардақтау, терең тамырымызға ой салу, рухани жаңғыруымызға қомақты үлес қосар шуақты да, шаттықты Ұлттық домбыра күні құтты болсын!
Шанағынан шамырқанған күй төгер көне домбыра күмбірлегенде елең етпейтініміз жоқ. Домбыра үні қанымызда бар, санамызда сақталған, ұлттық кодымызда таңбаланған.
Қастерлі аспап бүгінде симфония мен операға әр беріп, классикалық өнердің ажырамас бөлшегіне айналып келеді. Ол – қазақтың бренді мен паспорты, ешкімге ұқсамайтын қайталанбас келбеті.
«Домбыра» – қазақ үшін жай ғана музыкалық аспап емес, одан әлдеқайда биік тұрған киелі құндылық!
