«Қазақтың дәстүрлі 1000 күйі» айдары Халық күйі «Атажұрт» - орындаған Мұсайып Хұсайынұлы
25.06.2020
1191
0
Ақпаратты достарыңызбен сілтеме арқылы бөлісіңіз:
Атажұрт
Мұсайып Хұсайынұлы
Күйдің аңызы: «1995 жылы Ұлы Абайдың 150 жылдық мерейтойына қатысуға шақыру алдым. Бұл кезде Алматы облысының Сарқан ауданында ата жұртқа табан тірегеннен кейін үшінші жыл мекендеп, ел-жермен танысып, жаңа қоныс табиғатына қалыптасып, көңіл күй орнығып қалған еді.
Оның үстіне той бағдарламасында көрсетілген әлемнің түпкір-түпкірінен келетін құрметті қонақтармен бірге Ұлы Абайдың туған жеріндегі мерейтойға Елбасы қатысатын Абай ауданындағы, Ұлы ойшылдың есіміне қатысты, әртүрлі ойын-сауық шаралар туралы оқығанда көңіл толқып, ерекше бір қанағаттылық қуаныш сезімі пайда болған еді.
Әрине, мұндай қуаныш сезімі атамекеннен алыс шет елде жүргенде тек қиял ғана болатын. Мінеки, осы қуаныш сезіміне бөлеген ой тебіренісінен ұлы Абайдың мерейтойына тарту болып «Атажұрт» күйі өмірге келген.
