90-жылдары Рудный қаласында бірнеше ұлттық ансамбльдер пайда болды.
Солардың ішінде ерекшеленіп шыққаны «Әжелер» ансамблі, кейін «Жадыра» деп аталды.
Ансамбль 1991 жылы қазан айында құрылды.
Тәуелсіздігіміздің құрдасы болған ансамбльге 2016 жылы 10 қазанда Қазақстан Республикасының Мәдениет және спорт министрлігі «Жадыра» халықтық вокалдық ансамблі атағын берді.
Топ коржынында тек қазақ халқының дәстүрлі әндері ғана емес,сондай-ақ орыс, украин, татар, поляк тілдеріндегі әндер де шырқалады. Ансамбль құрамында 15 адам.
Айтып өтсек, 11-наурызда "Жадыра" халықтық вокалдық ұжымының кеші өтті.
Концерт Қостанай облыстық, әкімдігінің «Қоғамдық келісім» үйінде ұйымдастырылды.
