ӨЗІҢІЗДІ ТАНЫСТЫРЫП КЕТСЕҢІЗ?

Есімім Мәди Абайұлы Марат.

 

ӨНЕРГЕ ҚАЛАЙ КЕЛДІҢІЗ?

1998 жыл Қостанай облысы Арқалық қаласында 28 шілде күні дүниеге келдім. Бала күнімде атам Марат қажының тәрбиесінде болдым. Осының арқасында өнерге деген тәрбие мен алғашқы қадам бастау алған болатын. Б.Байқадамов атындағы музыка мектебінде баян сыныбында білім алдым. Қазіргі таңда Қостанай қаласында мұғалімдік қызметтемін.
 

ҚАШАННАН БАСТАП ӘН ЖАЗА БАСТАДЫҢЫЗ, БІРІНШІ ШЫҚҚАН ӘНДЕРІҢІЗГЕ ТОҚТАЛЫП КЕТСЕҢІЗ?

Ең алғаш 10 сынып оқып жүргенде ән жаздым. Мен сені сүйеді екенмін деген ән сол балғын балалық шақтан бозбалалық өмірге өткен шағымдағы жас баланың алғашқы махаббатын сипаттау барысында жазылған. Сезім білдіру, ешқандай көзбояусыз, кіршіксіз, сезімнің оянуы деген сияқты.
 

ҚАЗІРГІ ЖАҢА ШЫҒЫП ЖАТҚАН ӘНДЕРГЕ КӨҢІЛІҢІЗ ТОЛА МА?

Әрине плагиат болмаса екен, әуендер ұқсап кетпесе екен деп толғанып ізденеміз. Десе де ұқыпты жұмыс жасаудамын деп ойлаймын. Негізі бағасын халық береді ғой. Жалпы өз жүрегіңнен шыққан дүние болса еш күмәнсіз көңілден шығары анық.
 

АЛДАҒЫ ШЫҒАРМАШЫЛЫҚ ЖОСПАРЫҢЫЗ?

Алда әлі де талай туындылар жазу, және облыстық, республикалық көлемде шығармашылық кеш беру деген ой бар. Бұл енді 5 жыл көлеміндегі орындалатын мақсаттар, жоспарлар. Ал одан кейін бұйырса ән жинағын шығару.