Композитор Болат МОЛДАШҰЛЫМЕН сұхбат

Бірі білер, бірі білмес, әуелі өзіңізді таныстырып кетсеңіз?

- 1957 жылы 27 қарашада Жангелдин ауданына қарасты Көкалат ауылында дүниеге келдім. 1972 жылы Албарбөгет орта мектебін бітіріп, сол білім ошағында 10 жыл ән сабағынан мұғалім болдым. Өнерге 5 жасымнан бастап талпынып, әкем істеп берген домбырамен ән айтуды үйрендім. Әкем әнші әрі шебер кісі болған. Анам белгілі композитор Бақытжан Байқадамовтың жақын қарындасы.
Өзім Бүкілодақтық фестивальдің жүлдегерімін.

Өнерге қалай келдіңіз?

Баянды 5-сыныпта жүргенде үйреніп, мектеп оқушыларына, совхоз жастарын ойнап жүретінмін. Өлеңім алғаш рет 8-сыныпта оқыған кезімде аудандық газетте жарияланды.

Қашаннан бастап ән жаза бастадыңыз, бірінші шыққан әндеріңізге тоқталып кетсеңіз?

"Жауқазындар жайнасын" деген тұңғыш әнім 1973 жылы шопан құрығын ұстаған түлектерге арналды.
1976-1978 жылдары армияда жүріп "Анашым", "Сырым бар айтылмаған" атты әндерім шықты. Өнерге тәрбиелеген өз ағам ҚР мәдениет қызметкері Бөлтірік Молдашұлы.

Қазіргі жаңа шығып жатқан әндерге көңіліңіз тола ма?

Мен оқымаған тоқыған азаматпын. Сондықтан, артық айта алмаймын. Өзімнің әнімді халық жақсы қабылдайды. Шүкір, тоба. "Айналайын халқыма" деген әнімді танымал әнші Абай Бегей үлкен сахнаға шығарды. Бұған бауырым Қайрат Бекболаттың еңбегі зор.

Алдағы шығармашылық жоспарыңыз?

Бір арманым тамаша ұстазым Болат Хамзаұлына ән арнау еді. Ол арманым орындалып, "Торғайдың Шәмшісі" деген әнім жарыққа шықты. Екі кітабым журналистер одағының мүшесі Сапар Әбілкәкім ағамыздың баспасынан шықты. Ендігі ойым - "Сырым бар айтылмаған" деген атаумен ән жинағымды шығарсам. Ұстаздарым Бақытжан Сауекенов пен Қалибек Деріпсалдин ағаларды құрмет тұтамын.

Посмотреть эту публикацию в Instagram

Публикация от