«Тобыл торғай әуендері» рубрикасының кейіпкері

Өзіңізді таныстырып кетсеңіз...

Мен әуесқой сазгер Оспанов Бағдат Сырбайұлы. Қазіргі таңда Алтынсарин аудандық мәдениет үйінде қызмет жасап жатырмын.

Өнерге қалай келдіңіз?

Өнерге сол Торғайдың топырағында туғандықтанда болуы мүмкін, әкем домбырамен ән айтады, нағашыларымда өнерден алыс емес.

Қашаннан бастап ән жаза бастадыңыз, бірінші шыққан әндеріңізге тоқталып кетсеңіз?

Оспановтардың осалы жоқ деген тіркес өзіме ұнайды, Серікбай Оспанов, Марғұлан Оспанов бәріде сазгерлер. Мен әнге ғашықпын.
Қазіргі таңда 30 астам әнім бар, алғашқы әндеріме тоқталар болсам олар -Мұқағали Мақатаевтің «Ғашықпын» өлеңіне жазған әнім, одан кейін ұсТазым, Ақтаңгер ақын Айбек Қалиевтің сөзіне жазылған «Қазақстан» әнім, «Сезім оты» әніме сөз жазған ақын Бақытжан Әлкебаев.
Бұл әндер 2010-2011 жылдары жарыққа шыққан еді...

Қазіргі жаңа шығып жатқан әндерге көңіліңіз тола ма?

Әрқалай десем де болады, себебі, әндердің бағасын халық өзі береді.

Облыстық халық шығармашылық орталығы жанынан құрылған композиторлар көркемдік кеңесінде қандай жұмыстар жоспарланған?

Жоспар өте көп, бұйырса соның бәрін жүзеге асыруға асықпын. Ол әрине Тобыл-Торғай өңірінен шыққан барлық сазгерлердің концертін жылына 2 рет беру және де ел аралап әндерді насихаттау, сазгерлердің жеке шығармашылық кештерін беру, тағы сол сияқты бірқатар жоспарларымыз бар.

Олай болса Сізге алғыс айта отырып, сәттілік тілейміз! Жаңа туындыларыңызбен қуанта беріңіз!