6 желтоқсан күні Қостанай облысы әкімдігінің мәдениет басқармасы, ҚР Сыбайлас жемқорлыққа қарсы іс-қимыл агенттігінің Қостанай облысы бойынша департаменті, «Қостанай - адалдық алаңы» жобалық кеңсесінің ұйымдастыруымен өткен «Ақынның қаламы – адалдық алаңы (Әділдік. Парасаттылық. Сенім.)» атты облыстық жас ақындар сайысының марапаттау рәсімі өтті.
Сайыстың мақсаты – жастар бойында адалдық пен сенімділікті, парасаттылықты және сыбайлас жемқорлыққа мүлдем төзбеушілікті қалыптастыру, отансүйгіштікті кеңінен насихаттау, жас ақындар шығармашылығын қолдау.
Сайысқа 14-29 жас аралығындағы 13 шығармашыл, жазба ақындар қатысты.Үміткерлерді ақын, филология ғылымдарының кандидаты, Ахмет Байтұрсынов атындағы ҚМУ профессоры, ҚР мәдениет қайраткері - Шаяхмет Ақылбек Қожаұлы; ақын, жазба ақындар айтысының жүлдегері - Құлабаев Нұрқанат Жүнісұлы; облыстық «Қостанай таңы» таңы газетінің редакторы, Халықаралық «Шабыт» фестивалінің лауреаты, республикалық «Астана-жүрек» мүшайрасының жүлдегері - Жүсіпбеков Жандос Балғынбекұлы; ҚР Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Қостанай облысы бойынша департаменті превенция және парасаттылық басқармасының аға офицері - Шериева Мөлдір Талғатқызы және халық шығармашылығы орталығының ақпараттық редакторы, Халықаралық «Шабыт» фестивалінің дипломанты - Нұрқанат Бұқабаев бағалады.
Қазылар алқасының шешімі бойынша 1 орынға Ерболат Лашын (Қостанай қаласы), 2 орынға Дәния Сәтбекқызы (Арқалық қаласы), 3 орынға Ақерке Сейдеғазы (Арқалық қаласы) ие болды.
